سوالف البنات في الباص المدرسة

السلام عليكم

بنات خلونا نشوف سوالف البنات في باص المدرسة شيسولفون فيه ؟؟؟؟




البنات في الباص
حال البنات في الباص غريب وعجيب... !!

يعني مثلا...

وحدة ناااايمة
واللي بعدها بين الحياة والموت

واللي بعدها باربع بنات بنتين يتكلمون
البنت(1) امي قالت حق خالي عبد الرحمن ود بنتي السوق
البنت(2) مو قلتي خالج هذا مسافر لبيروت
البنت(1) لا اللي مسافر هو خالي راشد
(البنت معرفتها على اسماء العائلة الكريمة)



ومن جهة أخرى نحصل الدريسااات...
البنت(1) الامتحان النحو صعب اليوم !!
البنت (2) اللي يسمعج يقول ماتاخذ علينا الاولى اقول واللي يعافيك
اكرمينا بسكوتج
البنت(1) والله..صعب ماعرفت الاعراب انا شكيت هو (جار ومجرور) ولا (مجرور وجار)



ومن جهة أخرى نجد بنات النت....
البنت(1) امس دخلت الشات ومالقيتج ليش؟
البنت (2) انا داخلة لكني مغيرة اسمي
البنت(1) ليش غيرتيه
البنت (2) مزاجيييييييييي !!
البنت(1) طيب وراج ماتردين على مواضيعج الشينة
البنت(2) واللة مااحد اجبرك تردين على مواضيعي ولااحد عظك على يدك وقال راقبيها
الا القهر مقطع عيونك ماعينوك مشرفة وانا مسجلة بعدج خخخخخ



وفي مؤخرة الباص نجد الفن والطرب...
البنت(1) ماشفتي الحلقة الأخيرة من المسلسل أمس !!
البنت(2) لا بااااايخه !! ماتوقعت ذي نهايتها !!
البنت(1) هيه صح مالها داعي
البنت(3) اليوم بيي مسلسل غيره شكله احسن!!
البنت(2) لا المسلسل اللي بيي اليوم قديم أنا تابعته!!


وبجانب بنات الفن..نجد بنات البلاي ستيشن..
البنت(1) اللة ياخذ شركة كونامي مانزلت (سايلنت هيل
البنت (2) صادقة..ماشاء اللة على شركة كابكوم تنزل ديسكاتها بسرعة
الا هالمرة مانزلت(رزدنت إيفل زيرو) مايخالف يقولون لكل حصان كبوه>> حلو مطابق هالمثل
تتوقعين يكون فيه (التايرنت)
البنت (1)احتمال لان(البرت ويسكر )فيه
البنت(2) صدق..!!؟؟!!
البنت(1) ايه..قريت مذكراته ويقولون انه فيه...


ومجموعة ثانية تتكلم عن الطبخ...
البنت(1) اليوم علي المطبخ وعييييييه
البنت (2) اللي يسمعج يقول كل يوم تكرف بالمطبخ اللة يرحم حالي
انا كل يوم عندي المطبخ والغسيل وكل شيء
البنت(1) لا الحمدللة انا مرة بالشهر
البنت(2) ياحظي..الا اقول تعرفين طريقة البسبوسة
البنت مدري..ايه عرفتها انتم تشترون العجين>>>>> في بالها سمبوسة



واما بنات الميك اب والموضة...
البنت(1) ناظرتي اخت العروس روووووووعة وخصوصا فستانها يهبل مووت>>> احلفي
البنت (2) هيه وشفتي الظل اللي مسويته قمة الغباء ليش مسويته تحت عيونها
البنت(3) يابنتي هذه الموضة تو نازلة الاربعاء>>> ولا الخميس خخخخ
البنت(1) اقول لاتعطونها وجهه ماتفهم بشيء
البنت(2) نعم..!! وش تقصدين..لايكون تتكلمين عني....حدج
البنت (3) لا ياماما اكلم زوجة عمي خخخخخخخخ



فئة (كتب )...
البنت(1) عطيني الواجب مال بكره
البنت(2) وليش ماتحلينه بنفسج من غشنا فليس منا
البنت(1) مو انتي ناقلته من اللي بجنبج
البنت(2) هاااه
البنت(1) اي..اقول عطيني>>>> يعني اجباري
البنت(2) انا نقلته علشان احنا معزومين في البر
البنت(1) واللة....واحنا معزومين بالبحر خخخخخخ


فئة ( النصب واللوااااته)...
البنت(1)
تصدقين ارسلنا السواق اليوم للخطوط قصلنا تذاكر كلنا انا وابويه وامايه
ونصوري وحمودي وبدوري>>>>>>(طبعا ذولا اخوانها)
البنت(2)وين بتسافرون ؟
البنت(1)بنروح سويسرا ومنها بالقطار لهولندا ؟
البنت(2): انزين ماتحسين انه بدري تونا على الصيف؟
البنت(1) تعرفين زحمة في الصيف ومانبي نحرج انفسنا بوقت الانتظار وذبت الوجه؟
البنت(2): تريد ان تتدارك الموقف >>>(مسكينه مصدقة) إنا (هي احنا بس بعض البنات تقول إنا يعي بزعمهم برستيج)
بنروح (ماربيا-اليمن-المزاحمية)>>



فئه( غزل):

بنت(1) شوفتي السيارة الفخمة اللي كل يوم تجي تلفلف وفيها 3 شباب حلوين؟
بنت(2): ايوة ايش قصتهم؟
بنت(1) في واحد منهم غمزتله من اول صاروا يجوا كل يوم <<<<<<<<<واثقه من نفسها وايد هاي
بنت(2): من جد؟
بنت(1) ايوة حتى امس انتي مو كنتي غايبة مادريتي ايش صار!!<<<<<استغلت الغياب
بنت(2): ايش صار؟؟
بنت(1)الاولاد
لحقوا ورا الباص الين وصلنا الين بيتي وعرفوه ولمن صار العصر طالعت من
الشباك لقيت الولد مستنى تحت بيتي واستنى الين الساعة 10 بعدين حنيت عليه
وعطيته رقمي!!<<<شكلها هيه الي كانت تستناه
بنت(2): وكلمتيه؟؟
بنت(1)ايوة وطلع مرة ولد حبوب وطيب وكول و و و ....
بنت(2): طيب ماعنده احد يقربله او صاحبه يبغى يتعرف على وحدة؟<<<بتلمحي على ايش يا حلوة؟؟؟
بنت: اعتقد في اصحابه اللي يجوا معاه دائما ليه ناوية تتعرفي علي واحد منهم؟
بنت(2): لابس كانت في وحدة تبغى تتعرف على واحد وقلتلها ان شاء الله ادورلك..<<<<انحرجت
بنت: خلاص اوكي انا بأكلمه بس مو اكيد<<<<اتورطت البنت




من فئة تقليد المدرساااات...!!
المدرسه..تشرح الا سمعت صووت قامت مدت الكلمه الي قالتها : سيــــن.
البنت(1):ويعـيييييي..
المدرسه..لفت ويهها والبنات يضحكون وردت شرحت..
المدرسه: خمشه شالب+ حدعش موجب يشااوييي( ماتنطق السين)
البنت(2): يشاوي موجب شتعش<<<< تستهبل
والمدرسه تمشي جنها بطريق حمدالله والشكر
الا البنات يقدلونها وجان تشوفهم وتخصر لهم..

حصة الانجليزي..
الابله تشرح الا البنت ترسم وتشخبط على الورقه
الا قامت وخذت الورقه وغلتها على ظهر المدرسه
جان تلف المدرسه وينقلب ويهها احمر وتفشلت..


وفي سوالف ثانيه بين البنات

طبعا تعرفونها بنااات


اتمنى ان السوالف عجبتكم
ابقــى ردودكــم...
منقول

[center][color:4f1f=DarkOrange]ههههههههههههههه
[color:4f1f=Sienna]قسما بالله موضوع ولا اروع[/color]
كل فئات البنات هونا
[color:4f1f=Sienna]يآه مع سوالفهم المعتادة [/color]
الموضوع طريف جدا
[color:4f1f=Sienna]شكرا لك غادو [/color]
تقبلي مروري
لينا~~[/color]
[/center]

[color:5d95=DarkOliveGreen]الموضوع رائع بوجودك[/color]
[color:5d95=Red]نورتي الموضوع كلو يا لينو حبيبتي[/color]
تسلمي

[center][color:3a7c=DimGray][u]العفو يا عسل
[color:3a7c=Red]لا شكر على واجب[/color][/u][/color]
[/center]